السلام عليكم ورحمه الله وبركاته صباح الخير أومساء الخير إنما كنت ياعزيزي القاريء، مرحبا بك معنا في جريده صدفه،نتشرف اليوم بإجراء هذا الحوار مع هذه الرسامه المبدعة ونتمنى لها دوام الإبداع ،والتقدم،ونتمنى لكم قراه ممتعة
فلنرحب معا بالرسامه العظيمة فى بداية الحوار اخبرينا عن أسمك ؟
اسمي غادة عبدالرحمن الزغبي
كم عمرك؟ ٢٣
محافظتك؟ الجيزة
متى بدأتي الرسم؟ الرسم كهواية من بدري بس بدأت اركز في انى أطور الموهبة في مرحلة الكلية
وهل واجهتك أي صعوبات؟ نعم الرسم زى معظم المواهب محتاج ممارسة كتير لصقل الموهبة و خصوصا لو برسم بأكتر من خامة
هل تعتقدي أن الرسم يندرج تحت مسمى الهواية أم الموهبة ؟ هو الرسم أكيد موهبة و طبيعي يبقى في شخص بارع بالفطرة فى الرسم بس برضه كذلك ممكن يبقى هواية ممتازة للتخفيف من ضغوطات الحياة و حتى لو مش عندك الموهبة التمرين بيخليك مع الوقت تتقن الرسم و تطلع نتائج مُرضية
من أكتر الشخصيات المحببة او التى تمثل رسامتنا في الواقع؟ من أكتر الرسامين اللى رسمهم مبهر طبعا و out of the box دافنشي و فنسنت فإن جوخ لأن رسوماتهم دايما فيها حاجة أكتر من فن رسوماتهم بيبقا فيها رسالة
ماهي صفات الرسام الناجح من وجهة نظرك ؟ بحس أن الرسام الناجح لازم يبقى بيتمرن كتير دي أهم حاجة بالإضافة يبقى عنده تغذية بصرية مستمرة لرسومات مختلفة و يبقى متأمل فى الطبيعة
من الذي شجعك على خوض هذا المجال ؟ هو كان فى البداية نابع من شخصي بس بعد كده مع تطور الهواية لقيت ليها تشجيع من الناس المحيطة
ماهو سر لقبك او كيف تم اختيارة؟ مش عندي لقب ده اسم العيلة
كيف توفقين بين حياتك ،وعملك الإبداعي؟ الرسم بالنسبالي من الحاجات اللى بيبقى فيها تصفية ذهن و تركيز في التفاصيل فهي بتساعدني بشكل ما فى حياتي العملية
هل لديكي موهبة أخرى؟ بحب أجرب كل فترة هواية جديدة عشان الإنسان مش هيعرف نفسه شاكر في ايه غير لما يجرب فبكتب قصص و بعمل تصميمات من وقت للتاني
ماالاعمال او المراكز التى حصلتي عليها ؟ فزت بالمركز الثاني للقصة القصيرة على مستوى المركز
حدثينا عن إنجازاتك ؟
- عملت دورات تدريبية فى الرسم للاطفال فى الحي السكني
-
- مثلت مدرستي أكثر من مرة فى مسابقات علمية و اتأهلنا لمسابقات على مستوى المحافظة
- حصلت على تقدير جيد جدا مرتفع في قسم الفيزياء و حاليا بحضر دراسات عليا
- كنت الاولى على الصف الدراسي فى معظم سنوات التعليم
- اتكرمت الطالبة المثالية لأكثر من سنة دراسية
سعدت جدا بالحوار معك ياأستاذة ( غادة )
ممكن كلمة أخيرة نختم بيها الحوار؟
أنا بشجع جدا إن كل واحد لازم يبقى عنده هواية يملى بيها وقت فراغه و يعبر عن نفسه بيها حتى لو كانت الهواية دي مش مألوفة بي كونك عندك هواية ده هيحل جزء معقول من مشاكلك
●●●●▪︎▪︎▪︎▪︎♡♡بقلم الصحفية أماني رمضان ماهر أبوهيسه●●■■▪︎▪︎♡