اسكريبت بعنوان: احذر البشر

 


كنت أسمع دائما جارتي تقول لابنها احذر البشر فى الشارع، ولم أعى معنى هذه الجملة إلا عندما جاء يوم وانتظرت حينما نزل ابنها وذهبت إليها كى أسألها


أنا: معلش بس انا كل يوم باسمعك تقولى لابنك احذر البشر كل ما يجى نازل فى حته اى معنى الجملة دى؟ 

جارتي: طب تعالي ادخلى نشرب كوبيتين شاى واشرحلك معنى الجملة دى. 

انا: حاضر، ودخلت معاها وهى راحت تعمل كوبيتين الشاى وبعدين جت قاعدت وجابت الشاى واخدت تنهيدة طويله 

وقالت: وانا كنت في الكليه كانت والدتى الله يرحمها تقولى احذرى البشر في كل مره اكون نازله فيها تقولى كدا وانا مش عارفه معنى كدا اى مع الرغم انى كنت كبيره وكانت تقولى دايما يا بنتى البشر بينهم الطيب وبينهم الخبيث والغدار والخاين فخدى بالك من النوع الوحش فيهم، وقالتلى فيه ناس هتبين ليكى انهم طيبين وغلبانين وهما مفيش العن منهم بالمعنى الصح ابليس بيتعلم منهم، وكل دا وانا بقول يعنى اى بس كنت بقول حاضر وماشي علشان امشي الدنيا، لحد ما جه يوم وانا ماشيه انا وصحابي جتلنا ست غلبانه بتبيع مناديل او انا بالمعنى الصح فكرتها غلبانه صحابي يومها زعقوا وقالولها ابعدى عننا يا ست انتى ومعرفش اى وانا اتخنقت معاهم وقولتلهم حرام عليكم دى ست غلبانه وروحت ليها وجبت منها مناديل وعينك ما تشوف الا النور بعد كدا

انا: لى حصل اى

جارتي: طلعت منديل ومسحت بيه وشي كله ومجرد ما شميت ريحة المنديل جتلى دوخه فظيعه ومعتش قادره اقف على رجلى ويدوب مفيش دقيقه ووقعت فى الارض، بعدها صحابي كانوا معايا طبعا اخدونى على المستشفى والدكتور لما كشف عليا قالهم دى شمت مخدر، قالوله ان هى مشمتش غير مناديل اخدوا المناديل وحللوها قالوا ان فيها مخدر ودى بيستعملوها الناس اللىى بيخطفوا الاطفال والانسات علشان تجارة الاعضاء، عرفتى بقا لى بقول لابني كدا؟ 

انا: ايوا عرفت واخدت العبره. 


متأمنوش لحد يا جماعه معتش حد ليه امان


بقلم: داليا علاء "الإمبراطورة"

إسلام إيهاب

أكتُب ما لا أبوح بِه؛ لطالما كان قَلمي خير جَليس. _ إسلام إيهاب

إرسال تعليق

أحدث أقدم