وقفوا الرجال طوابير قدام بيبان قلبي
منهم العشقان
منهم الولهان
منهم الطمعان
ف الوجود جنبي
كان ردي دايمًا لا... ما أنا مش بتاعة حب
ولا عمري ف يوم فكرت... أدوق عذاب القلب
وفجأه جيت ٱنت... ودخلت بالإجبار
مليت حياتي ورود
عشّشت ف الأفكار
حلتلي أيامي
حققتلي الأحلام
طول ما إنت قدامي
كانت عيوني تنام
فجاه انقلب حالك
معرفش ايه جرالك
كسرت قلبي ليه
ودوقتني الخذلان؟
كان قلبي ليك عاشق
ليه فجأه بتفارق
خلتني أكره ليه
أبقا ف حياة إنسان؟
_شيماء_البنا
القسم:
شعر